’بیک ٹو ویلیج پروگرام محض عوام کو مصروف رکھنا ہے‘

جموں و کشمیر کے ضلع پونچھ تحصیل منڈی کی پنچائیت چکھڑی بَن میں بیک ٹو ویلیج پروگرام ہوا جس میں عوام کی بہت کم تعداد دیکھنے کو ملی۔

بیک ٹو ویلیج پروگرام کے لیے ویزٹنگ آفیسر وچند ایک محکمہ جات کے ملازمین بھی پنچائیت گرام سبھا کے پہلے روز شریک رہے۔

اس موقع پر عوام نے ناراضگی کا اظہار کرتے ہوئے کہا کہ ’چندماہ قبل جو بیک ٹوویلیج پروگرام منعقد ہوا تھا ان میں سے کوئی بھی کام موقع پر نہیں ہوا ہے، جس کی وجہ سے آج عوام نے گرام سبھا میں آنے سے ناراضگی کا اظہار کرتے ہوئے انکار کردیا‘۔

اس حوالے سے محمد یاسین شاہ نے زرایع سے بات کرتے ہوئے کہا کہ’ افسوس باقی پنچائیتوں میں بیک ٹوویلیج پروگرام کے پہلے مرحلہ کے تحت دولاکھ رپیہ واگزار کیا گیا لیکن اس پنچائیت کو وہ ابھی تک نہیں دیا گیا ہے‘۔

انہوں نے مزید کہا کہ’ باقی جو مسائل اس وقت ہم نے لکھاوئے تھے وہ بھی ابھی تک حل نہیں ہوسکے ہیں‘۔
انہوں نے کہا کہ’ اس پنچائیت میں پانچ چھ گاؤں ہیں لیکن ایک پنچائیت میں پر ہی اکتفا کیا گیا ہے-

انہوں نے کہا کہ ’ہمارے علاقے کو سڑک کی سخت ضروت ہے- انہوں نے انتظامیہ سے روز تعمیر کرنے کی گزارش کرتے ہوئے کہا کہ جو وعدے ہم سے بیک ٹو ویلیج اول مرحلے اور اج دوم مرحلے میں کیے گیے انہیں پورہ کیا جائے‘۔

محمد رفیق نے کہا کہ’ بیک ٹو ویلیج پروگرام محض عوام کو مصروف رکھنے کا ایک زریعہ ہے باقی نہ پہلے مرحلہ سے کچھ حاصل ہوا اور نہ اب دوسرے مرحلہ سے کچھ فائیدہ ہونے والا ہے‘-

انہوں نے کہا کہ’ اس وقت اس پسماندہ علاقع کو نظر انداز کیا جا رہا ہے‘-

انہوں نے انتظامیہ سے اپیل کی ہے کہ’ وہ اس علاقے کی پسماندہ اور غریب عوام کے مسائل کو سامنے رکھتے ہوئے یہاں کے بنیادی مسائل پر توجہ دیں اور پہلی فہرست میں اس گاؤں کو سڑک کی سہولیات فراہم کریں‘۔