شڈ کی مرمت بنی موت کا باعث

ریاست جموں و کشمیر کے ضلع کپواڑہ کے ماور ہندوارہ میں شڈ کی مرمت کے دوران ایک شخص ہلاک ہوا۔

ای ٹی وی بھارت کے مطابق یہ حادثہ اس وقت پیش آیا جب ایک 67سالہ شخص غلام نبی بٹ ولد صابر بٹ ساکنہ چونٹی پورہ ماور اپنے گھر میں ایک شڈ کی مرمت کررہا تھا۔

اسی دوارن اچانک شڈ کا ایک کھمبا متاثر شخص پر گر گیا، جس کے نتیجے میں وہ شدید طور پر زخمی ہوگیا۔

زخمی کی حالت میں اسے گورنمٹ ہسپتال ہندواڈہ میں داخل کرایا گیا جہاں وہ زخموں کی تاب نہ لاکر دم توڑ گیا۔

طبیب کے مطابق ہلاک شدہ شخص کی گردن میں چوٹ آنے کی وجہ سے اس کی موت واقع ہوئی۔
.