سرینگر سے رکن پارلیمنٹ عبداللہ آج 82 برس کے ہوگئے ہیں۔
بنرجی نے ٹویٹر پر دئے مبارکبادی پیغام میں لکھا کہ سالگرہ کی مبارکباد فاروق عبداللہ جی ۔آپ کے لیے مشکل وقت ہے۔ہم آپ کے ساتھ کھڑے ہیں۔برائے مہربانی مثبت رہیے۔ہم آپ کی اچھی صحت کی دعا کرتے ہیں۔
ممتا بنرجی نے انہیں مثبت رہنے اور اپنے صحت کی فکر کرنے کا مشورہ دیا ہے۔
واضح رہے کہ فاروق عبداللہ کو پبلک سیفٹی ایکٹ (پی ایس اے) کے تحت سرینگر کے گپکار روڈ پر واقع ان کی رہائش گاہ میں حراست میں رکھا گیا ہے۔
واضح رہے کہ 5 اگست کو جموں و کشمیر کی خصوصی آئینی حیثیت کے خاتمے سے قبل ہی انتظامیہ نے ہند نواز سیاسی پارٹیوں کے سربراہان سمیت کئی رہنماؤں کو حراست میں رکھا ہے۔ ان رہنماؤں میں جموں و کشمیر کے سابق وزرائے اعلیٰ فاروق عبداللہ، عمر عبداللہ اور محبوبہ مفتی شامل ہیں۔
وادی کشمیر میں آج 79ویں روز سے بندشیں بدستور جاری ہیں جبکہ وادی بھر میں پری پیڈ فون اور انٹرنیٹ خدمات کی معطلی بھی تاحال جاری ہیں۔
