جموں میں شاپنگ مالز اور ریستوراں کھل گئے

جموں و کشمیر میں کورونا وائرس کے پیش نظر جاری لاک ڈاؤن میں نرمی سے متعلق ایک ہدایت نامہ جاری کیا گیا۔

جموں میں آج انتظامیہ کی طرف سے کورونا وائرس لاک ڈاون میں مزید نرمی کی گئی جس کے پیش نظر دو مہینے بعد شاپنگ مالز، ریستوراں، سوئمنگ پولز کو کھلنے کی اجازت دی گئی۔ تاہم لگاتار دو مہینوں سے مذہبی مقامات مساجد، مندر، گردوارے اور گرجاگر بند ہیں ۔

واضح رہے کہ کورونا وائرس کو پھیلنے سے روکنے اور اس مہلک بیماری سے عوام کو محفوظ رکھنے کے لیے پورے ملک میں لاک ڈاؤن نافذ کیا گیا تھا لیکن مرکزی حکومت کی جانب سے آج سے لاک ڈاؤن میں نرمی کا اعلان طرف سے کیا گیا۔ مرکزی حکومت کے جانب سے جاری کی گئی گائیڈ لائن کے بعد ملک کی مختلف ریاستوں اور مرکز کے زیر انتظام علاقوں میں لاک ڈاؤن میں نرمی کا اختیار متعلقہ ریاستوں اور انتظامیہ کو دیا گیا ۔ جس کے بعد جموں و کشمیر انتظامیہ نے آج سے نرمی کے متعلق ہدایت نامہ جاری کیا تھا۔