لاک ڈاؤن: خلاف ورزی کرنے پر پولیس کی کاروائی

جنوبی کشمیر کے ترال ٹاؤن میں آج پولیس نے لاک ڈاؤن کی خلاف ورزی کرنے کے پاداش میں لوگوں پر لاٹھی چارج کردی۔

ایس ایچ او ترال جی ایم راتھر نے عملے کے ساتھ بھیڑ کو قابو کرنے کے لیے لاٹھی چارج کیا جس کی وجہ سے کئی افراد کو معمولی چوٹیں بھی آئی ہیں۔

اس ضمن میں ای ٹی وی بھارت کو اطلاع ملی ہے کہ ترال کے بس اسٹینڈ اور ترال بالا علاقے میں لوگوں کی ایک بڑی تعداد نے بلا ضرورت بازاروں کا رخ کیا جس کے بعد پولیس کو انھیں منتشر کرنے کے لیے لاٹھی چارج کرنا پڑا۔

ای ٹی وی بھارت کے نمائندہ سے بات کرتے ہوئے ایس ڈی پی او ترال ڈاکٹر اعجاز ملک نے بتایا کہ ترال میں کورونا وائرس جیسے خطرناک وائرس کو دور رکھنے میں انتظامیہ کو اب تک کامیابی ملی ہے لیکن بازاروں میں لاک ڈاؤن کی خلاف ورزی جیسے واقعات سے صورتحال سنگین رخ اختیار کر سکتا ہے۔

انھوں نے عوام سے گھروں کے اندر رہنے کی اپیل کرتے ہوئے کہا کہ سماجی دوریوں کو بنائے رکھنے سے ہی اس زنجیر کو توڑا جا سکتا ہے۔