Protest Against Dilapidated Road خستہ حال رامبن میترا روڈ عوام کے لئے پریشان کا باعث

ضلع رامبن میں واقع میترا روڈ کی خستہ حالت سے مقامی باشندوں کو بڑی دشواریوں کا سامنا کرنا پڑ رہا ہے۔ مقامی باشندوں نے ضلع انتظامیہ کے خلاف احتجاج کرتے ہوئے اس پر لاپرواہی کا الزام لگایا ہے۔

رامبن :مرکز کے زیرانتظام یوٹی جموں وکشمیر کے پہاڑی ضلع رامبن میں ضلع ہیڈکوارٹر میں قدیم قومی شاہراہ پر جھولا پل کے قریب سڑک کھسکنے سے ٹریفک کی آمدورف پر ضلع انتظامیہ نے پابندی عائد کر دی ہے۔

نیشنل ہائے وئے اتھارٹی آف انڈیا یونٹ رامبن کی جانب سے سڑک کی بحالی کیلئے کام بھی شروع کیا گیا ہے۔ واضح رہے کہ دو روز قبل رامبن میں واقع جھولا پل کے قریب سڑک میں دراڑیں پڑنے کی اطلاع ملی۔اس کا نوٹس لیتے ہوئے ضلع انتظامیہ نے عوام کی حفاظت کیلئے فوری طور سے حکمنامہ جاری کیا کہ فورا گاڑیوں کی آمدورفت بند کردی جائے ۔

ذرائع کے مطابق قصبہ قدیم رامبن سے میتراہ اور میترہ چوک کے درمیان سڑک کی خستہ حالت کی وجہ سے مقامی باشندوں کو بڑی دشواریوں کا سامنا کرنا پڑ رہا ہے۔مقامی باشندوں نے خستہ حال سرک کی مرمت کا مطالبہ کیا ہے۔لیکن انتظامیہ کی جانب سے مناسب قدم نہیں اٹھائے جانے کے سبب مقامی باشندوں میں ناراضگی پائی جا رہی ہے ۔

مقامی باشندوں نے مزید کہاکہ ضلع انتظامیہ اور نیشنل ہائی وئے سے خستہ حال سڑک کی جلد سے جلد مرمت کا کام جلد سے جلد شروع کیا جائے تا کہ لوگوں کو پریشانیوں سے نجات مل سکے ۔