ادھم پور سے کاروباری لاپتہ

ریاست جموں و کشمیر کے ضلع رامبن کے بانہال علاقے سے تعلق رکھنے والے ایک تاجر غلام رسول وانی کئی روز سےلاپتہ ہیں۔

ان کا تعلق بانہال کے ٹھٹھار علاقے سے ہے۔

تفصیلات کے مطابق غلام رسول وانی ایک کاروباری ہے جو بھیڑ بکریوں کی خریدوفر وخت کا کام کرتے ہیں۔

غلام رسول وانی اپنے اہل خانہ سے کہا تھا کہ 'وہ کاروبار کے سلسلے میں ادھمپور جا رہے ہیں لیکن چند روز گزرنے کے بعد جب اہل خانہ نے ان سے بات کرنے کی کوشش کی تو ان کے ساتھ کسی قسم کا کوئی رابطہ نہ ہو سکا جس سے اہل خانہ کافی پریشان ہیں۔'

ان کے لاپتہ ہونے کی خبر پورے بانہال میں پھیل گئی جس پر لوگوں نے تشویش کا اظہار کیا ہے۔

اس سلسلے میں بانہال کے سرپنچوں اور پنچوں نے پولیس اور ریاستی انتظامیہ سے گزارش کی ہے کہ لاپتہ شخص کو جلد سے جلد تلاش کر کے اہل خانہ کے حوالے کریں۔