تیندوے کے حملے میں دو افراد زخمی

کشمیر کے ضلع بڈگام میں آج گوری پورہ بیروہ گاؤں میں اس وقت سنسنی پھیل گئی جب وہاں کے مقامی باشندے دوا پاشی کرنے کے لیے اپنے باغیچے میں پہنچے۔

دوا چھڑکنے کے دوران باغیچے میں ایک تیندوا نمودار ہوا اور باغ میں موجود افراد پر حملہ کیا جس کے نتیجے میں دو افراد محمد ایوب پرے اور محمد شفیح بھٹ نامی شخص زخمی ہوئے۔

اس حملے کے بعد پورے گاؤں میں افرا تفریح مچ گئی اور لوگ اپنے باغیچوں اور کھیتوں سے گھروں کی طرف بھاگنے لگے۔

زخمیوں کو اسی دوران سب ڈسٹرکٹ ہسپتال بیروہ علاج و مالجہ کے لیے روانہ کیا گیا۔