ضلع اننت ناگ کے سرہامہ علاقہ میں لوینڈر فیسٹول کا انعقاد
اننت ناگ: مرکز کے زیر انتظام یوٹی جموں و کشمیر کے ضلع اننت ناگ کے سرہامہ میں محکمہ زراعت کے زیر اہتمام لونڈر فیسٹول کی افتتاحی تقریب کے موقعے پر محکمہ زراعت کے ڈائریکٹر شاہد اقبال چودھری مہمان خصوصی کے طور پر موجود رہے۔ اس کے علاوہ چیف ایگریکلچر افسر اننت ناگ اعجاذ حسین ڈار محکمہ کی فلوری کلچرسٹ ڈاکٹر انجم کئی دیگر افسران سمیت کاشتکاروں کی بڑی تعداد موجود رہی۔
اس موقعے پر ایک تقریب اور تربیتی پروگرام کا بھی اہتمام کیا گیا۔ تقریب کے دوران کسانوں کو لونڈر کی کاشتکاری کے فوائد سے متعلق تفصیلی جانکاری فراہم کی گئی۔ اس دوران کسانوں خاص طور پر نوجوانوں پر زور دیا گیا کہ زراعت اور ہارٹیکلچر سے جڑی دیگر فصلوں کے ساتھ ساتھ لونڈر کی کاشت پر بھی اپنی توجہ مرکوز کریں تاکہ انہیں زیادہ سے زیادہ فائدہ مل سکے۔