برفانی تودے گرنے سے لداخ قومی شاہراہ بند

گاندر بل میں تازہ برفباری کی وجہ سے سری نگر لداخ قومی شاہراہ کو احتیاظی طور پر بند کردیا گیا ہے۔ اب موسم میں تبدیلی کے بعد ہی اس روڑ کو کھولنے کے حوالے سے فیصلہ لیا جائے گا۔

جموں و کشمیر کے ضلع گاندر بل میں تازہ برفباری کی وجہ سے ایک مرتبہ پھر سے سرینگر - لداخ قومی شاہراہ کی آمد و رفت کو احتیاطی طور پر بند کر دیا گیا ہے۔
برفباری کی وجہ سے ضلع گاندر بل کے کلن گنڈ اور گگن گیر میں سڑک پر پھسلن پیدا ہوگئی ہے۔
وادئ کشمیر کے دیگر بالائی علاقوں سے بھی برفباری کی اطلاعات موصول ہوئی ہے جبکہ میدانی علاقوں کے بشمول سرینگر میں گذشتہ رات سے بارش کا سلسلہ جاری ہے۔ اب موسم میں تبدیلی کے بعد ہی اس روڑ کو کھولنے کے حوالے سے فیصلہ لیا جائے گا۔
اطلاع کے مطابق برفباری اور بارشوں کی وجہ سے پوری وادی میں سردی میں اضافہ ہوا ہے۔ جبکہ درجہ حرارت منفی تین ڈگری تک گر گیا ہے۔

اس دوران ای ٹی وی بھارت کے نمائندہ نے بیکن کے ایک آفیسر سے سرینگر - لداخ قومی شاہراہ کے بارے میں بات کی تو انہوں نے بتایا کہ اس شاہراہ پر برفباری سے قبل صرف فوج کو آنے جانے کی اجازت تھی۔ تاہم زوجیلا، منی مرگ اور سونمرگ میں تازہ برفباری کے بعد فی الحال اس شاہراہ کو بند کیا گیا ہے۔