کولگام: سرکاری گاڑیوں میں لگائے گئے جی پی آر ایس

جموں و کشمیر کے کولگام ضلع میں سرکاری گاڑیوں کی آمد ورفت کی جانچ پڑتال کی غرض سے میونسپل کمیٹی کی جانب سے آج تمام سرکاری گاڑیوں کو ( جی۔ پی۔آر۔ایس) تکنیکی آلات لگائے گئے۔

کولگام میں سرکاری گاڑیوں کی آمد ورفت کی جانچ پڑتال کی غرض سے میونسپل کمیٹی کی جانب سے آج تمام سرکاری گاڑیوں کو ( جی۔ پی۔آر۔ایس) تکنیکی آلات لگائے گئے۔

گوگل کی مدد سے (جی۔ پی۔ آر۔ ایس) کے ذریعے تمام گاڑیوں پر نظر رکھی جائے گی اور اس کی مدد سے افسران از خود لگائے گئے آلات سے گاڑیوں کی نقل وحرکت پر نظر رکھیں گے۔

باضابطہ طور پر تکنیک کے ذریعے اس بات کا پتہ چل جائے گا کہ کون سی گاڑی نے کتنے کلومیڑ مسافت طے کی ہے۔ گاڑیوں کی نقل وحرکت کو لیکر اور سرکاری خزانے میں شفافیت لانے کی غرض سے میونسپل کمیٹی کے چیئرمین مُنیب زرگر نے میڈیا اہلکاروں سے بات کرتے ہوئے کہا کہ اس سے ڈپارٹمینٹ میں صاف وشفاف طریقے سے کام ہوگا اور تمام گاڑیوں کی نقل وحرکت کے ساتھ ساتھ اس بات کا بھی پتا لگایا جاسکتا ہے کہ گاڑیوں پر تیل کی رقومات کتنی خرچ ہوئیں۔