کشمیر یونیورسٹی کے باہر گرینیڈ دھماکہ، پانچ افراد زخمی

جموں و کشمیر کے دارالحکومت سرینگر کے حضرت بل علاقے میں نامعلوم افراد نے گرینیڈ دھماکہ کردیا جس سے علاقے میں سنسنی ہے۔

اطلاعات کے مطابق یہ دھماکہ حضرت بل علاقے میں واقع کشمیر یونیورسٹی گیٹ کے باہر پھینکا گیا۔ اس دھماکے میں پانچ افراد کے زخمی ہونے کی اطلاع ہے۔ زخمی افراد کو سرینگر کے ہسپتال میں داخل کیا گیا۔

دھماکے کے بعد سکیورٹی فورسز نے علاقے کو محاصرے میں لے لیا اور تلاشی مہم شروع کی۔

ادھر جنوبی کشمیر کے ضلع اننت ناگ کے ہاکورہ بدسگام میں بیک ٹو ویلیج پروگرام چل رہا تھا کہ اچانک دھماکہ خیز مواد پٹھنے سے دو افراد ہلاک جبکہ2 زخمی بھی ہوئے ہیں۔

ہلاک شدہ افراد کی شناخت سید رفیق اور ظہور احمد کے طور ہوئی ہے۔ دونوں ہی مقامی ہیں۔ دھماکے کے بعد علاقے میں افرا تفری کا ماحول ہے۔