کشمیر: سڑک حادثے میں متعدد افراد زخمی

جموں و کشمیر کے وسطی ضلع گاندربل کے کنگن علاقے میں ایک سڑک حادثہ پیش آیا جس میں 6 افراد زخمی ہوگئے۔

ای ٹی وی بھارت کے نمائندے کے مطابق کنگن علاقے میں دو نجی گاڑیوں کے درمیان ٹکر کے نتیجے میں 6 افراد شدید طور پر زخمی ہوگئے۔ زخمی افراد کو نزدیکی طبی مرکز پہنچایا گیا جہاں ابتدائی طبی علاج فراہم کرنے کے بعد انہیں سرینگر منتقل کیا گیا۔

نمائندے کے مطابق یہ حادثہ کنگن کے ہڈاپل کے مقام پر پیش آیا۔

پولیس کے مطابق بانڈی پورہ سے سونہ مرگ جا رہی ایک گاڑی کنگن کے مقام پر مخالف سمت سے آ رہی ایک اور گاڑی سے جا ٹکرائی جس کے نتیجے میں 6 افراد زخمی ہو گئے۔

حادثے کی نسبت سے کنگن پولیس نے معاملہ درج کرکے مزید کارروائی شروع کر دی ہے۔