سرینگر قومی شاہراہ آمد و رفت کے لیے بحال

ریاست جموں و کشمیر کے سرینگر قومی شاہرا کو آج آمد و رفت کے لیے بحال کردیا گیا ہے، جس کی وجہ سے مسافروں نے راحت کی سانس لی ہے۔

جموں سرینگر قومی شاہرا آج صبح سے تیز بارش کے باوجود بحال کردیا گیا ہے۔

واضح رہے کہ بٹری چشمہ پنتھال کے مقام پر مٹی تو دے گرنے وجہ سے اس شاہراہ پر آمد و رفت کو بند کردیا گیا تھا، جبکہ انتظامیہ کی تین گھنٹے کی کڑی مشقت کے بعد جموں سرینگر قومی شاہرا کو آمد رفت کے لیے بحال کر دیا گیا ہے۔

وہیں سب سے پہلے در ماندہ گاڑیوں کو قومی شاہراہ پر چلنے کی اجازت دی گئی ہے جبکہ انتظامیہ نے مسافروں سے درخواست کی ہے کہ جو بھی مسافر جموں سرینگر قومی شاہراہ کا سفر کریں، وہ سب سے پہلے کنٹرول روم رابطہ کریں اس کے بعد جموں سرینگر قومی شاہرہ کا سفر کریں۔