جموں سرینگر قومی شاہراہ آمدو رفت کے لیے بحال

جموں کشمیر میں شدید برف باری کی وجہ سے جموں سرینگر قومی شاہراہ تین روز بند رہنے کے بعد آج آمدو رفت کے لیے دوبارہ کھول دیا گیا۔

جموں و کشمیر میں بھاری برف باری کے سبب جموں سرینگر قومی شاہراہ کو گزشتہ دنوں آمدو رفت کے لیے بند کر دیا گیا تھا۔ شاہراہ پر کئی گاڑیاں پھنسی ہوئی ہے جنہیں اب جانے کی اجازت دی گئی ہے۔

محکمہ ٹریفک کے عہدیدار کے مطابق شاہراہ پر مسافر گاڑیوں کے ساتھ ساتھ سینکڑوں مال بردار گاڑیاں پھنسی ہوئی ہیں جنہیں اب جانے کی اجازت دی جارہی ہیں۔

انہوں نے کہا کہ مسافر گاڑیوں کو ترجیحی بنیاد پر روانہ کیا جارہا ہے اور دونوں اطراف چھوٹی گاڑیوں کو جانے کی اجازت دی گئی ہے۔

وہیں برف باری کے سبب تاریخی مغل شاہراہ اور سرینگر لیہہ آج تیسرے روز بھی آمدو رفت کے لیے بند ہے۔