جموں وکشمیر کے وسطی ضلع بڈگام میں سکیورٹی فورسز اورعکسریت پسندوں کے درمیان تصادم شروع ہوگیا۔ تصادم میں ایک عسکریت پسند کے ہلاک ہونے کی خبر ہے۔جبکہ اس میں ایک جوان کے بھی زخمی ہوگئے ہیں۔
اطلاعات کے مطابق پولیس، فوج اور سی آر پی ایف کی مشترکہ ٹیم نے علاقے میں عسکریت پسندوں کی موجودگی سے متعلق ایک مخصوص اطلاع کے بعد چرار شریف گاؤں میں گزشتہ رات کو سرچ آپریشن شروع کیا تھا۔
ذرائع کے مطابق مشترکہ ٹیم نے مشتبہ مقام کا گھیراؤ کیا تو گھر میں چھپے عسکریت پسندوں نے ان پر فائرنگ کردی۔
سیکیورٹی فورسز نے جوابی فائرنگ کی، جس کے بعد طرفین میں تصادم شروع ہوگیا۔ تصادم میں اب تک ایک عسکریت پسند کے ہلاک اور ایک فوجی اہلکار کے زخمی ہونے کی اطلاع ہے۔
زخمی جوان کی شناخت فوج کی 53 آر آر کے نوین کمار کے بطور ہوئی ہے اور انہیں سرینگر کے فوجی ہسپتال منتقل کیا گیا ہے۔