کورونا سے بیدار کرنے کے لیے ڈوگری گانا جاری

جموں وکشمیر اکیڈمی آف آرٹ کلچر اینڈ لینگویجز نے ڈوگری زبان میں کوروناوائرس کے تعلق سے ایک گانا جاری کیاہے جس میں لوگوں کو اس وبا سے آگاہ کیا گیا ہے اور اس کے پھیلاؤ کو روکنے کے لیے ضروری اقدامات کے بارے میں جانکاری دی گئی ہیں۔

کلچرل اکیڈمی آف آرٹ کلچر اینڈ لنگویجئز کے اس پہل کو سماجی رابطہ ویب سائٹز ٹویٹر اور فیس بک پر کافی تعداد میں لوگوں نے تعریف کی ہے۔ اس گانے کو جموں کشمیر کے مشہور شاعر منیر میر نے لکھا ہے۔

تاہم کلچراکیڈمی آف آرٹ کلچر اینڈ لنگویجئز کے ایک عہدیدار نے بتایا کہ اسی طرح کا گانا کشمیری زبان میں بھی ریلیز کیا جائے گا تاکہ لوگ آسانی سے اس مہلک بیماری سے نمٹنے کی تربیت حاصل کرسکیں۔