کووڈ 19: جموں و کشمیر کے اضلاع کی نئی درجہ بندی

جموں و کشمیر میں گزشتہ روز کورونا وائرس کے 535 نئے مثبت معاملات سامنے آئے اور اس طرح سے کورونا متاثرین کی مجموعی تعداد بڑھ کر 37،698 ہو گئی ہے۔

جموں وکشمیر انتظامیہ نے یکم ستمبر سے لاک ڈاؤن پر عمل درآمد کے مقصد سے مرکزی علاقہ کے اضلاع کو ریڈ، اورینج اور گرین زمرے میں درجہ بندی جاری کی۔

ریاستی ایگزیکیوٹیو کمیٹی، ڈیزاسٹر مینجمنٹ، ریلیف بحالی اور تعمیر نو محکمہ کے جاری کردہ حکم نامے کے مطابق بانڈی پورہ کے علاوہ صوبہ کشمیر کے تمام اضلاع ریڈ زمرے میں ہیں۔ صوبہ جموں کا واحد ضلع جو ریڈ زمرے میں آتا ہے وہ رامبن ہے۔

نئی درجہ بندی کے مطابق کٹھوعہ، سامبا، بانڈی پورہ، ریاسی، ادھمپور، پونچھ، راجوری اور جموں کو اورنج زمرے میں شامل کیا گیا ہے۔

یہ حکم نامہ سرینگر ضلعی انتظامیہ کے ہینڈل سے شیئر کیا گیا تھا۔

اس میں مزید کہا گیا ہے کہ مرکزی علاقے کے تمام اضلاع کے متعلقہ زمرے میں سرگرمیوں کی اجازت ایس ای سی بعد میں جاری کرے گی اور اس کی درجہ بندی کا وقتا فوقتا جائزہ لیا جائے گا۔

واضح رہے کہ جموں و کشمیر میں گزشتہ روز کورونا وائرس کے 535 نئے مثبت معاملات سامنے آئے اور اس طرح سے کورونا متاثرین کی مجموعی تعداد بڑھ کر 37،698 ہو گئی ہے۔