گذشتہ دنوں اننت ناگ ٹاؤن میں ہوئے فدائین حملے کے دوسرے دن میڈیا سے بات کرتے ہوئے گورنر ستیہ پال ملک نے کہا تھا جموں و کشمیر میں پاکستان کے اشارے پر شدت پسندانہ حملے ہوتے ہیں۔
آج انہوں نے ایک بار پھر اپنے سابقہ بیان کا اعادہ کرتے ہوئے کہا کہ جموں و کشمیر میں حالات خراب کرنے کا ذمہ دار پاکستان ہی ہے۔
اس قسم کے بزدلانہ حملوں میں بے گناہ شہری ہلاک ہوتے ہیں۔
گورنر نے کہا کہ ہمارے سکیورٹی اہل کار پوری طرح سے مستعد ہیں، اور وہ کسی بھی طرح کی کارروائی کرنے کے لیے ہمہ وقت تیار ہیں۔
انہوں نے یہ دعویٰ کیا کہ وہ جلد ہی عسکریت پسندانہ کارروائیوں کا خاتمہ کردیں گے۔
ستیہ پال ملک نے پریس کانفرنس کے دوران یہ بھی کہا کہ پہلے کے مقابلے میں اب ریاست کی صورت حال بہتر ہوئی ہے، پتھربازی میں کمی آئی ہے، اور جمعہ کے دن اب عمومی طور پر ریاست کا نظم و نسق درست رہتا ہے۔