سرچ آپریشن کے دوران متعدد عسکریت پسند راجوری سے گرفتار

بھارتی فوج کی جانب سے جاری بیان میں کہا گیا ہے کہ گرفتار شدگان کا تعلق 'جموں کشمیر غزنوی فورس' سے ہے۔

بھارتی فوج اور جموں و کشمیر پولیس نے دعویٰ کیا ہے کہ انہوں نے راجوری کے گالوٹھی علاقہ میں ایک مشترکہ آپریشن کے دوران متعدد عسکریت پسندوں کو گرفتار کیاہے جن کے قبضے سے دھماکہ خیز مواد برآمد کیا گیاہے۔

سرچ آپریشن کے دروان متعدد عسکریت پسند گرفتار

آرمی کی جانب سے ایک پریس بیان جاری کیا گیا جس میں کہا گیا ہے کہ ایک مصدقہ اطلاع کی بنیاد پر آرمی اور جموں و کشمیر پولیس نے گالوٹھی علاقہ میں تلاشی مہم شروع کی ،اس دوران متعدد عسکریت پسندوں کو گرفتار کیا گیا اور ایک گاڑی سے دھماکہ خیز مواد برآمد ہوا۔

بیان میں کہا گیا ہے کہ گرفتار شدگان کا تعلق 'جموں کشمیر غزنوی فورس' سے ہے۔

سکیورٹی ایجنسیوں کے مطابق ان گرفتاریوں سے عسکریت پسندوں کے بڑے نیٹ ورک کا پردہ فاش ہوا ہے جو علاقہ میں اسلحہ اور منشیات کو فروغ دے رہے تھے۔

انہوں نے کہا کہ اس سلسلہ میں تلاشی مہم ہنوز جاری ہے۔

آرمی نے بیان میں دعویٰ کیا کہ مذکورہ عسکریت پسند راجوری علاقہ میں دھماکہ کرنے کی فراق میں تھے تاکہ علاقہ میں فرقہ وارانہ تشدد برپا کر سکے۔

قابل ذکر ہے کہ 13 دسمبر کو پونچھ میں جموں کشمیر غزنوی فورس کے دو عسکریت پسندوں کو ایک انکاؤنٹر کے دوران ہلاک کیا گیا تھا۔