'نمستے ٹرمپ، دہلی جل رہی ہے'

جموں و کشمیر کی ںظربند سابق وزیراعلیٰ محبوبہ مفتی کی بیٹی التجا مفتی نے امریکی صدر ڈونلڈ ٹرمپ کے دورہ بھارت پر مرکزی حکومت پر نکتہ چینی کی ہے۔

التجا مفتی نے اپنی والدہ کے ذاتی ٹوئٹر ہینڈل پر دہلی میں سی اے اے مخالف احتجاج اور کشمیریوں کے حقوق کے بارے میں لکھا ہے۔

انہوں نے الزام عائد کیا کہ 'مہاتما گاندھی کے سابرمتی آشرم کو صرف غیر حقیقی دوروں میں ہی یاد کیا جاتا ہے جب کہ ان کی تعلیمات کو فراموش کردیا گیا ہے۔

التجا مفتی نے ٹویٹ میں لکھا کہ 'ہائے ٹی! اینڈ نمستے ٹرمپ جبکہ قومی دارالحکومت دہلی جل رہا ہے اور 8 لاکھ کشمیری بنیادی حقوق سے محروم ہیں۔

'نمستے ٹرمپ، دہلی جل رہا ہے'

انہوں نے مزید لکھا کہ 'گاندھی جی کی میراث اور سابرمتی آشرم کی صرف غیر ملکی نمائندوں کے دوروں میں ہی یاد آتی ہے جبکہ ان کی تعلیمات یکسر فراموش ہو گئیں۔'

واضح رہے کہ گذشتہ برس 5 اگست کو دفعہ 370 کو منسوخ کرنے کے بعد محبوبہ مفتی کی نظربندی کے بعد التجا نے قومی اور بین الاقوامی میڈیا کو متعدد انٹرویو دے کر سرخیوں میں جگہ حاصل کی۔

التجا مفتی کشمیر میں سوشل میڈیا پر پابندی عائد کرنے کے فیصلے پر مرکزی حکومت پر مسلسل تنقید کرتی رہی ہیں۔