شری گورو گوبند سنگھ کا پراکاش اتسو منانے کے سلسلے میں آج جموں میں ایک کیرتن کا اہتمام کیا گیا۔ یہ نگر کیرتن گوردوارا گورونانک دیو جی چاند نگر جموں سے شروع ہوا جو شہر کے مختلف حصوں سے ہوتے ہوئے نانک نگر میں گورو دارہ سنگھ سبھا پہنچ کر اختتام پذیر ہوا۔
نگر کیرتن میں مختلف اسکولی طلبہ و طالبات نے بڑی تعداد میں حصہ لیا اور مذہبی جوش و خروش کے ساتھ گروگوبند سنگھ جی کی خدمات کو یاد کیا۔
کیرتن میں گتکابازی، تلوار بازی، منہ سے آگ نکالنے جیسے کرتب لوگوں کو دکھائیں گئے۔ کیرتن کے دوران راگی جتھوں نے گورو کے تعلیمات سے لوگوں کو روشناس کرایا۔
ٹرلوچن سنگھ وزیر کی قیادت میں نکالے گئے اس نگر کیرتن میں کئی سیاسی و سماجی تنظیموں کے رہنماؤں و گوردوارا پربندھک کمیٹی کے عہدیداروں نے شرکت کی۔