سرینگر کے لال بازار میں گرینیڈ دھماکہ

جموں و کشمیر کے درالحکومت سرینگر میں واقع لال بازار علاقے میں نامعلوم افراد نے 36 ایس ایس بی کی پیٹرولنگ پارٹی پر حملہ کیا جس میں ایس ایس بی کے ایک اہلکار کے زخمی ہونے کی اطلاع ہے۔

پولیس ذرائع کے مطابق سری نگر کے لال بازار علاقے میں مشتبہ افراد نے جمعرات کو پولیس اسٹیشن پر گرینیڈ پھینکا جو پولیس اسٹیشن کے باہر پھٹ گیا۔

انہوں نے بتایا کہ اس گرینیڈ دھماکے میں ایک ایس پی او زخمی ہوا جس کو فوری علاج و معالجے کے لیے پولیس کنٹرول روم ہسپتال منتقل کیا گیا ہے۔

ذرائع کا کہنا ہے کہ زخمی پولیس اہلکار کی حالت مستحکم ہے نیز حملہ آوروں کی تلاش کے لئے علاقے کو محاصرے میں لیا گیا ہے۔

مزید تفصیلات کا انتظار ہے۔