فوج کی گاڑی پر گرینیڈ حملہ، سات زخمی

جموں و کشمیر کے ضلع بارہمولہ میں نامعلوم افراد نے فوج کی گاڑی پر گرینیڈ حملہ کیا جس کے نتیجے میں سات عام شہری زخمی ہوگیے۔

بارہمولہ کے آزاد گنج میں فوج کی گاڑی گزر رہی تھی کہ اسی دوران نامعلوم افراد نے گاڑی پر گرینیڈ سے حملہ کیا جس کے نتیجے میں 7عام شہری زخمی ہوگئے۔

زخمیوں کو علاج کے لیے نزدیکی ہسپتال منتقل کیا گیا جس میں سے دو کی حالت تشویش ناک بتائی جا رہی ہے۔ یہ واقعہ آج دن کے قریب ایک بجے پیش آیا جب معمول کے مطابق فوج آزاد گنج پل پر تعینات تھی کہ اچانک نامعلوم افراد نے گرینیڈ حملہ کیا جس میں 7عام شہری زخمی ہوگئے ۔ اس حملے میں فوج نے پورے علاقے کو اپنی تحویل میں لیکر بڑے پیمانے پر تلاشی مہم شروع کی۔