عارضی ملازمین کی بقایا تنخواہیں کی ادائیگی کے احکامات

جموں وکشمیر کے گورنر ستیہ پال ملک نے ماہ رمضان کے دوران عارضی ملازمین کی بقایا تنخواہیں واگزار کرنے کے احکامات جاری کردیے ہیں۔

ایک سرکاری ترجمان نے بتایا کہ کیجول اور یومیہ اجرت پر کام کرنے والے ورکروں کی بقایا جات اجرتیں اور کچھ محکموں میں دیگر ملازمین کی تنخواہوں کا معاملہ ریاستی انتظامی کونسل کی میٹنگ کے دوران گورنر کی نوٹس میں لایا گیا۔گورنر کو بتایا گیا کہ ان ملازمین اور ورکروں کو ماہ رمضان کے دوران مشکلات میں ڈال دیا گیا ہے۔گورنر نے یہ اجرتیں اور تنخواہیں ماہ رمضان کے دوران ہی واگذار کرنے کے احکامات دیئے ہیں۔

گورنر نے اپنی مشیروں سے کہا ہے کہ وہ اس معاملے کی نگرانی کریں اور31 مئی 2019 تک تنخواہوں اور اجرتوں کی واگذاری کویقینی بنائیں۔فائنانس محکمہ ضرورت پڑنے کی صورت میں لازمی احکامات جاری کرے گا۔