سرکاری اسکول کے طلبا کا احتجاج

ریاست جموں و کشمیر کے ضلع رامبن میں گورنمنٹ ماڈل ہائی سیکنڈری اسکول کے طلبا نے انتظامیہ کے خلاف زبردست احتجاج کیا۔

طلبا نے کئی گھنٹے تک سڑک پر احتجاج کیا جس کی وجہ سے آمد و رفت بھی متاثر ہوئی۔

احتجاج میں شامل طلبا کا کہنا ہے کہ 'اسکول بس نہیں ہونے کی وجہ سے انہیں کافی مشکلات کا سامنا کرنا پڑ رہا ہے۔'

ان کا مزید کہنا ہے کہ 'انہوں نے کئی بار انتظامیہ کو اس بارے میں بتایا لیکن انتظامیہ پر اس کا کوئی اثر نہیں ہوا ہے۔'

انہوں نے ای ٹی وی بھارت کے نمائندے سے بتایا کہ 'مسافر گاڑی والے ان سے دگنا کرایہ وصول کرتے ہیں'۔

ان کا یہ بھی کہنا ہے کہ 'اگر جلد از جلد اسکول بس شروع نہیں کی گئی تو وہ قومی شاہراہ پر احتجاج کریں گے جس کی ذمہ داری انتظامیہ پر عائد ہوگی۔'