تازہ برف باری کی وجہ سے ڈرائیور پریشان

جموں سے کشمیر کی جانب آنے والی گاڑیاں مختلف مقامات پر درماندہ ہوگئی ہیں۔ انتظامیہ کے مطابق قاضی گنڈ اور لور منڈا کے قریب شاہراہ پر پھسلن پیدا ہونے کی وجہ سے شاہراہ کو فی الحال ٹریفک کےلئے بند کر دیا گیا ہے۔

جموں کشمیر کے جنوبی ضلع اننت ناگ کے میدانی اور بالائی علاقوں میں پیر کی رات سے اوسط سے درمیانی درجے کی برف باری ہوئی۔ جواہر ٹنل اور پیر پنچال پہاڑی رینج میں بھی تازہ برف باری اور بارشوں کی وجہ سے جموں سرینگر قومی شاہراہ کو پھر ایک بار ٹریفک کی آمد و رفت متاثر ہے۔

اس دوران جموں سے کشمیر کی جانب آنے والی گاڑیاں مختلف مقامات پر درماندہ ہو گئی ہیں۔ انتظامیہ کے مطابق قاضی گنڈ اور لور منڈا کے قریب شاہراہ پر پھسلن پیدا ہونے کی وجہ سے شاہراہ کو فی الحال ٹریفک کےلئے بند کر دیا گیا ہے۔ جبکہ شاہراہ کو بحال کرنے کے لئے کوششیں جاری ہیں۔

واضح رہے وادی کشمیر میں محکمہ موسمیات کی پیش گوئی کے عین مطابق میدانی وبالائی علاقوں میں برف وباراں کا ایک اور مرحلہ شروع ہوا جو وقفہ وقفہ سے دن بھر جاری رہا تاہم مطلع ابر آلود رہنے کے باعث شبانہ درجہ حرارت میں نمایاں بہتری درج کی گئی۔

وادی کے مشہور آفاق سیاحتی مقام گلمرگ، جہاں ابھی قریب پانچ فٹ پرانی برف ہی جمع ہے میں قریب تین انچ تازہ برف جمع ہوئی تھی۔

وادی کے دوسرے سیاحتی مقام پہلگام، جہاں ابھی قریب پانچ چار پرانی برف ہی جمع ہے، میں قریب چار انچ تازہ برف جمع ہوئی تھی۔