اننت ناگ میں جی ایس ٹی فیسیلٹیشن سینٹر کا قیام

جنوبی کشمیر میں انٹرنیٹ کی عدم دستیابی کی وجہ سے تاجروں کو درپیش مشکلات کو دور کرنے کی غرض سے محکمہ سٹیٹ ٹیکسز نے سنجیدہ نوٹس لیتے ہوئے کھنہ بل اننت ناگ میں انٹرنیٹ سہولیات میہا کرا کے یہاں پر جی ایس ٹی فیسیلٹیشن سینٹر قائم کیا ہے۔

انٹرنیٹ خدمات کے شروع ہونے سے اب اننت ناگ میں جنوبی کشمیر کے تاجر اپنے جی ایس ٹی ریٹرنس یہاں پر بھر سکتے ہیں۔

ای ٹی وی بھارت سے بات کرتے ہوئے ایس ٹی او اننت ناگ عبدالحامد نے کہا کہ 'اس سینٹر کے قیام سے جنوبی کشمیر کے تاجروں کو جی ایس ٹی ریٹرنس کے حوالے سے درپیش مشکلات کا بڑی حد تک ازالہ ہوگا اور تاجر اب وقت پراپنے جی ایس ٹی ریٹرنس بھر سکتے ہیں۔'