اننت ناگ: ڈی ڈی سی امیدوار کی انتخابی مہم

مرکز کے زیر انتظام جموں و کشمیر میں ڈی ڈی سی انتخابات کے انتخابی مہم کا آج آخری دن تھا، اس سلسلے وادی کے تقریباً علاقوں میں سیاسی سرگرمیاں جاری رہیں۔

جنوبی ضلع اننت ناگ میں امیدواروں کی جانب سے ووٹرز کو اپنی طرف راغب کرنے کی بھر پور کوشش جاری ہے۔

اننت ناگ کے شانگس حلقے سے ڈی ڈی سی انتخابات میں حصہ لینے والی کانگرس پارٹی کے سینیئر رہنما گلزار احمد وانی کی بیٹی صباحت گلزار نے آج اپنی انتخابی مہم کے سلسلے میں پتھری بل، چوگام اور کئی دیگر علاقوں کا دورہ کیا۔

انھوں نے اپنے والدے کے ہمراہ گھر گھر جا کر لوگوں سے ووٹ دینے کی درخوات کی۔

انہوں نے لوگوں سے کہا کہ رائے دہی کا استعمال کرنا ہر ایک کا حق ہے، پھر بھی عوام کو چاہیے کہ وہ صحیح امیدواروں کا ہی انتخاب کریں تاکہ وہ مستقبل میں ان کے مسائل کو دور کرسکے۔

جہاں مختلف پارٹیوں کی طرف سے عوام کو اپنی طرف راغب کرنے کی کوشش جاری ہے وہیں صباحت گلزار اور ان کے والد گلزار احمد وانی بھی اپنی طرف سے لوگوں سے ووٹ دینے کی براہ راست اپیل کی۔