کورونا سے تحفظ کے لیے نکڑ ناٹک پروگرام

ملک میں کورونا کے معاملے میں تیزی سے ہو رہے اضافے کے سبب فوج کی جانب سے نکڑناٹک کا انعقاد کیا گیا۔

جموں و کشمیر کے ضلع پونچھ میں فوج کے کرشنا ویلی بریگیڈ کے زیر اہتمام کورونا سے تحفظ کے لیے کرشنا چندر پارک میں ایک نکڑ ناٹک کا اہتمام کیا گیا۔

اس موقع سے بابا غریب داس آرمی گڈول اسکول کے طلبا اور اساتذہ کے علاوہ سلوتری اسکول کے طلبا نے بڑی تعداد میں میں شرکت کی۔

اس دوران نکڑ ناٹک کے کلاکاروں نے لوگوں کو کورونا انفیکشن کے بارے میں معلومات دیتے ہوئے کورونا سے بچنے کی اپیل کی۔

ناٹک کے توسط سے ان لوگوں کو بھی آگاہ کیا گیا جو کورونا کے انفیکشن کے پیش نظر لاپرواہی برتتے نظر آ رہے ہیں۔