معذور افراد وظیفے سے محروم

وادی کشمیر میں موجودہ صورتحال کے دوران جہاں عام زندگی حد سے زیادہ متاثر ہوئی ہے۔ وہیں انٹرنیٹ پر قدغن اور دیگر وجوہات کی بنا پر جسمانی طور معذور افراد کو ماہانہ وظیفہ سے محروم ہیں۔

جنوبی کشمیر کے ضلع اننت ناگ کے مختلف علاقوں سے آئے ہوئے جسمانی طور معذور افراد کے وفود نے ای ٹی وی بھارت کے ساتھ اپنی روداد بیان کی۔

ان افراد کا کہنا ہے کہ ”انہوں نے کئی بار محکمہ سماجی بہبود و دیگر متعلقہ محکموں کے چکر کاٹے لیکن ہر بار انہیں انٹرنیٹ کی عدم دستیابی اور دیگر وجوہات کی بنا پر واپس لوٹنا پڑا۔ جبکہ متعلقہ حکام کی جانب سے سرد مہری کی وجہ سے بھی ان لوگوں کو کافی دشواریوں کا سامنا ہے۔'

واضح رہے کہ سرکار کی جانب سے جسمانی طور معذور افراد کو ماہانہ وظیفہ دیا جاتا ہے لیکن کشمیر میں جاری نا مساعد حالات نے ایسے افراد کی زندگی کچھ اسطرح سے متاثر کی ہے کہ انہیں اپنے حق کے لیے صبح و شام دفاتر کے چکر کاٹنے پڑ رہے ہیں۔

ان افراد نے گورنر سے تلقین کی ہے کہ وہ ان کے معاملات کے تئیں سنجیدگی کا مظاہرہ کرکے ان کا ماہانہ وظیفہ دیں۔