حدبندی کرانے کے مطالبے نے زور پکڑا

مرکز کے زیر انتظام جموں کے پریس کلب میں آج نیشنل پھنترز پارٹی کے کارکنان  نے پارٹی کے چیرمین ہرش دیو سنگھ کی صدارت میں احتجاج کیا۔

احتجاج کررہے پینتھرز پارٹی کے کارکنان نے بی جے پی کے خلاف نعرے بازی کی اور حد بندی کرانے کے حق میں آوازیں بلند کیں۔

پینتھرزپارٹی کے چیئرمین ہرش دیو سنگھ نے نامہ نگاروں سے بات کرتے ہوئے کہا کہ بی جے پی اسبملی انتخابات سے پہلے ہی اسبملی نشستوں کی حد بندی جموں و کشمیر میں کرائے تاکہ جموں خطے میں اسمبلی نستوں کی تعداد بڑھائی جا سکے۔

انہوں نے کہا کہ بی جے پی نے 2014 کے انتخابات میں عوام سے یہ وعدہ کیا تھا کہ جموں و کشمیر میں حد بندی ہو جائے گی لیکن آج تک بی جے پی نے اپنا وعدہ پورا نہیں کیا۔

انہوں نے مرکزی سرکار سے اپیل کی کہ جموں وکشمیر میں حد بندی کی جائے اور جلد از جلد انتخابات کرائے جائیں۔