ڈسٹرکٹ مجسٹریٹ سرینگر شاہد اقبال چودھری نے تجارتی اداروں اور نقل و حرکت سمیت عوامی سرگرمیوں پر پابندی میں توسیع کا حکم دیا ہے۔
یہ پابندیاں 15 اگست کی آدھی رات تک یعنی ایک اور ہفتہ بھی جاری رہیں گی۔
واضح رہے کہ ضلع سرینگر میں کووڈ 19 کی صورتحال کو مدنظر رکھتے ہوئے یہ حکمنامہ جاری کیا گیا ہے۔
یہ بھی پڑھیں
دریں اثنا سرینگر کی ضلع انتظامیہ نے ان کارروائیوں کے آغاز سے پہلے ہی تیاریوں کا آغاز کر دیا ہے جس کا حکومت نے 16 اگست سے اعلان کیا ہے۔
انتظامیہ کی جانب سے جاری کی گئی ایڈوائزری میں عوام کو یہ مشورہ دیا گیا ہے کہ وہ وقتاً فوقتاً حکومت کی طرف سے جاری کردہ مشوروں پر سختی سے عمل کریں۔
واضح رہے کہ جموں و کشمیر میں گزشتہ روز ناول کورونا وائرس کے 507 مثبت معاملے درج کئے گئے جن میں 64 مسافر بھی شامل ہیں۔
جموں و کشمیر میں کووڈ 19 کے متاثرین کی تعداد 24897 ہوگئی جبکہ اس وبا سے ہلاک ہونے والوں کی کل اموات کی تعداد 472 ہو گئی ہیں۔
کشمیر میں سرینگر 6155 معاملات کے ساتھ سرفہرست ہے جس کے بعد بارہمولہ 2137، کولگام 1609، شوپیان 1520، اننت ناگ 1553، پلوامہ 1829، کپواڑہ 1256، بڈگام 1533، بانڈی پورہ 1022 اور گاندربل میں 672 کیسز درج کئے گئے ہیں۔
