کورونا وائرس: گاندربل میں دفعہ 144 نافذ

کورونا وائرس کی وباء کے پھیلاؤ پر قابو پانے کے لیے انتظامیہ نے پیر کو جموں و کشمیر کے ضلع گاندربل میں دفعہ 144 نافذ کر دیا ہے۔

ضلعی مجسٹریٹ شفقت اقبال نے کسی بھی عوامی جگہ پر چار یا چار سے زائد افردا کے جمع ہونے پر پابندی عائد کردی ہے اور یہ پابندی مارچ کے آخر تک برقرار رہے گی۔

واضح رہے کہ جموں و کشمیر انتظامیہ کی جانب سے جاری کردہ آج کے میڈیا بلیٹن کے مطابق جموں و کشمیر میں دو افراد کے کورونا وائرس کے ٹیسٹ مثبت اور 176 افراد نے نگرانی کی مدت مکمل کی جبکہ مرکزی وزارت صحت نے جموں و کشمیر میں تیسرے کیس کی بھی تصدیق کی ہے۔

وہیں مرکزی وزارت صحت کے مطابق، اڈیسہ میں پہلا مثبت ٹیسٹ اور لداخ، جموں و کشمیر اور کیرالہ میں ایک نیا کیس رپورٹ کیا گیا جس کے سبب ملک میں کورونا وائرس کے تصدیق شدہ کیسز کی تعداد 114 ہوگئی۔