کشمیر میں کووڈ 19 سے مزید دو اموات

جموں و کشمیر میں اب تک کورونا وائرس سے 151 اموات ہو چکی ہیں جن میں وادی کشمیر سے 137 اور جموں سے 14 افراد اس وبا سے فوت ہوئے ہیں-

وادی کشمیر میں جمعرات کو مہلک کورونا وائرس سے مزید دو مریض فوت ہوگئے ہیں، جس سے مرنے والوں کی کل تعدا 151 پہچ گئی ہے

آج صبح سرینگر کے ایس ایم ایچ ایس اور سی ڈی ہسپتالوں میں ان دونوں خواتین کا انتقال ہوگیا۔

ڈاکٹروں کے مطابق فوت شدہ مریضوں میں سرینگر کے نٹی پورہ علاقے کی رہنے والی 80 برس کی خاتون ہیں جبکہ دوسری 60 سالہ خاتون بارہمولہ ضلع کے پٹن علاقے کی رہنے والی تھیں-

غور طلب ہے کہ 151 فوت شدہ افراد میں 137 وادی کشمیر سے تعلق رکھتے تھے جبکہ 14 اموات جموں صوبے سے ہوئی ہے۔

جموں و کشمیر میں کورونا وائرس سے متاثر افراد کی تعدا 9261 پہنچی ہے جن میں 3545 سرگرم معاملات ہیں جبکہ دیگر روبہ صحت ہو چکے ہیں۔