کوروناوائرس: اننت ناگ میں سینیٹائزیشن کا عمل جاری

وادی کشمیر میں کوروناوائرس کو مزید پھیلنے سے روکنے کے لیے انتظامیہ کی جانب سے کئی انتظامات اٹھائے جارہے ہیں۔

جنوبی کشمیر کے ضلع اننت ناگ میں سینٹائزیشن کا عمل جاری ہے اور لوگوں کو کورونا کی زنجیر توڑنے کے لیے گھروں کے اندر ہی رہنے کی ہدایت دی گئی ہے۔

میونسپل کونسل کے صدر ہلال احمد شاہ نے لاک ڈاؤن کے نفاذ اور سینٹائزیشن عمل کا جائزہ لینے کی غرض سےکئی علاقوں کا دورہ بھی کیا اور کہا کہ انتظامیہ کے اشتراک سے کئی ہیلپ لائنز بھی قائم کی گئی ہیں۔

وہیں محکمہ صحت کی جانکاری کے مطابق سرنل اننت ناگ سمیت کئی علاقوں کے مشتبہ افراد کے خون کے نمونے منفی آ گئے ہیں اور لوگوں کو مزید احتیاط برتنے کی ضرورت ہے۔

دریں اثناء نوگام شانگس علاقے سے دو نئے کورونا معاملات سامنے آنے کے بعد علاقے میں تشویش کی لہر پیدا ہو گئی ہے۔