کوروناوائرس: ڈوڈہ میں 95 افراد قرنطینہ مراکز سے رخصت

جنوبی کشمیر کے ضلع ڈوڈہ کے مختلف قرنطینہ مراکز میں 14 دن کی مدّت مکمل کرنے کے بعد آج 95 افراد کو اپنے گھر رخصت کیا گیا۔

ان افراد کو انتظامیہ کی جانب سے بیرون ریاستوں سے واپس اپنے آبائی علاقوں میں لایا گیا تھا اور بعد میں انتظامیہ نے اُن کو مقامی سطح پر قائم قرنطینہ سنٹروں میں رکھا تھا ۔اس دوران تمام افراد کے کووڈ ۔19 جانچ کے لیے نمونے حاصل کئے گئے اور ان سب کی رپورٹ منفی آئی ہے۔

انتظامیہ نے اُن افراد کی پوری جانچ کے بعد انہیں آبائی گاؤں کے لئے روانہ کر دیا ۔انتظامیہ کی طرف سے اُن کو گلدستے پیش کئے گئے ۔

واضح رہے کہ ضلع ڈوڈہ میں ابھی بھی بیرون ریاستوں سے واپس لائے گئے 528 افراد کو انتظامیہ قرنطینہ میں رکھا ہے اور اُن کے نمونے حاصل کرکے جموں بھیج دئیے گئے ہیں ۔