کشمیر: پاسپورٹ آفس میں کام بحال

کورونا وائرس کے باعث جاری لاک ڈاون میں دو ماہ بند رہنے کے بعد کشمیر میں آج پاسپورٹ دفتر میں کام کا آغاز ہوا جہاں پر کووڈ 19 سے بچنے کے لیے رہنما خطوط پر عمل کرنے کے لیے اقدامات بھی کیے گئے ہیں۔

گزشتہ دو ماہ سے یہ دفتر دیگر دفاتر کی طرح بند تھا جس دوران لوگوں کو درکار پاسپورٹ سے متعلق جانکاری یا کام بھی ٹھپ تھا-

دفتر میں کام بحال کرنے کے لیے انتظامیہ نے کووڈ 19 کے پھیلاؤ کو روکنے کے لیے رہنما خطوط کے تحت افدامات کیے ہیں-

ای ٹی وی بھارت کے ساتھ بات کرتے ہوئے سرینگر ریجینل پاسپورٹ افسر بی بی ناگر نے بتایا کہ اقدام میں لوگوں کے ہجوم کو کم کرنے کے لیے محض 235 افراد کو ہر روز دفتر میں داخل ہونے کی اجازت ہے-

لوگوں کو دفتر کے باہر سماجی دوری رکھنے، ماسک پہننا اور ان کا درجہ حرارت دیکھنا لازمی ہے۔

قابل ذکر ہے کہ جموں و کشمیر میں آئے روز کووڈ 19 میں مثبت پائے جانے والے مریضوں کی تعداد میں اضافہ ہو رہا ہے جس سے عوام میں مایوسی دکھ رہی ہے۔

گزشتہ روز تک تصدیق شدہ افراد کی تعداد 4000 تک پہنچ گئی ہے جبکہ اس مہلک وبا سے مرنے والے افراد کی تعداد 43 پہنچ چکی ہے-