Behtar Bharat Ki Bunyad یوتھ کانگریس کی جانب سے پروگرام کا اہتمام

ضلع پلوامہ کے ترال کے نارستان میں پردیش کانگریس کی جانب سے بہتر بھارت کی بنیاد پر حوالے سے پروگرام کا اہتمام کیا گیا جس میں آل انڈیا یوتھ کانگریس کے جنرل سیکرٹری اور انجارچ جموں وکشمیر جگدیو گگا سمیت تمام اعلیٰ رہنماوں اور کارکنان نے شرکت کی۔

ترال:مرکز کے زیر اہتمام یوٹی جموں و کشمیر کے ضلع پلوامہ کے ترال کے نارستان میں پردیش کانگریس کی جانب سے بہتر بھارت کی بنیاد پر حوالے سے پروگرام کا اہتمام کیا گیا جس میں آل انڈیا یوتھ کانگریس کے جنرل سیکرٹری اور انجارچ جموں وکشمیر جگدیو گگا سمیت تمام اعلیٰ رہنماوں اور کارکنان نے شرکت کی۔

اس موقع پر لیڈران نے ورکروں پر زور دیا کہ وہ کانگریس پارٹی کو زیادہ مضبوط بنائے۔ اس پارٹی کی عوام دوست پالیسیوں کا پرچار کریں۔ اس موقع پر سریندر سنگھ چنئی نے لوگوں کو بتایا کہ کانگریس واحد ایسی پارٹی ہے جو ملک کے سیکولر ڈھانچے کو مضبوط بنانے کے لیے آگے آ رہی ہے اور ملک کے آیین کو بچانے کے لیے اس پارٹی کو ہی مضبوط کرنے کی ضرورت ہے ۔

میڈیا کے ساتھ بات کرتے ہوئے جگدیو گگا نے بتایا کہ کانگریس انے والے بلدیاتی انتخابات میں بھر پور طریقے سے حصہ لے گی۔ اس کے لیے بہتر امیدواروں کا انتخاب کیا جائے گا جو کہ ملک کے لیے بہتر کام کر سکیں۔

انہوں نے مزید بتایا کہ پردیش بھاجپا کی جانب سے پچاس پار کا کا نعرہ ایک مفروضہ ہے کیونکہ بھاجپا نے دعویٰ تو کرناٹک میں بھی کیا تھا اور ہماچل میں بھی کیا تھا لیکن جیت ہماری ہوئی کیونکہ ہم۔گروانڈ پر کام کرتے ہیں۔