Climate Change Conference In Kashmir سرینگر میں ماحولیاتی تبدیلی کے اثرات پر دو روزہ کانفرنس

کشمیر کے دارالحکومت سرینگر کی زرعی یونیورسٹی (SKUAST) میں آج دو روزہ ماحولیاتی تبدیلی کے اثرات (Climate Change Impact) پر کانفرنس کا آغاز ہوا جس میں ملک و بیرونی کی ملک یونیورسٹیز کے ماہرین و محققین شرکت کر رہے ہیں۔

سرینگر:مرکز کے زیر انتظام یوٹی جموں و کشمیر کے دارالحکومت سرینگر میں واقع زرعی یونیورسٹی(SKUAST) میں منعقدہ کانفرنس میں ہمالیہ پہاڑیوں پر ماحولیاتی تبدیلی کے اثرات (Impact of Climate change on Himalayan Range) کے موضوع پر منعقدہ کانفرنس میں ملک و بیرونی یونیورسٹیز کے پروفیسرز و محقق اپنے تاثرات اور تحقیق پیش کریں گے۔

کانفرنس کے کنوینر پروفیسر فاروق اے لون نے ای ٹی وی بھارت کو بتایا کہ محققین و ماہرین کلایئمیٹ جینچ کے موضوع پر اپنی تحقیق پیش کریں گے۔ انہوں نے کہا کہ یہ بین الاقوامی سطح کی کانفرنس ہے جس میں ملک و بیرونی ممالک کے یونیورسٹیز سے ماہرین آئے ہوئے ہیں جو اس موضوع پر اظہار خیال کریں گے۔ زرعی یونیورسٹی کے وائس چانسلر پروفیسر نذیر احمد گنائی نے ای ٹی وی بھارت کو بتایا کہ ماہرین کی تحقیق و تجاویز کو سرکار کے سامنے پیش کیا جائے گا جو اس کلایئمیٹ جینچ کے اثرات کو قابو کرنے کے لئے حکممت عملی و پالیسی مرتب کریں گے۔

افریقہ یونیورسٹی کے پروفیسر اے مشنجی نے بتایا کہ کلایئمیٹ جینچ نے پورے دنیا میں اپنے منفی اثرات دکھائے ہیں جس سے زراعت و ماحولیات پر برا اثر بڑ رہا ہے اور لوگوں کی زندگی متاثر ہو رہی ہے۔ انہوں نے بتایا کہ جس طرح افریقہ کلایئمیٹ جینچ سے منفی طور متاثر ہورہا ہے، اسی طرح ہمالیہ بھی اس کی زد میں آرہا ہے اور اگر حکومتیں حکمت عملی مرتب کرنے اور اس پر عمل کرنے میں کوتاہی کریں گی تو پوری دنیا میں اس کے منفی اثرات برھتے جائیں گے۔