پولیس نے مٹی تیل اسمگلر کو گرفتار کیا

وسطی کشمیر کے ضلع بڈگام میں آج شام دیر گئے پولیس اسٹیشن بیروہ کی ایک ٹیم نے کارروائی کرتے ہوئے چور بازار سے 300 لیٹرسبسڈائزڈ مٹی کا تیل اسمگلر کر رہے شخص کو گرفتار کر لیا گیا۔

پولیس اسٹیشن بیروہ نے مصدقہ ذرائع سے اطلاع ملی تھی جس پر کارروائی کرتے ہوئے پولیس کی ایک ٹیم نے اسمگلر کو گاڑی سمیت گرفتار کیا گیا۔

گاڑی کی تلاشی کے دوران 8 بڑے پلاسٹک کین برآمد ہوئے جس میں تقریباً 300 لیٹر سبسڈائزڈ ریٹ پر ملنے والا مٹی کا تیل برآمد ہوا۔

پولیس نے مذکورہ شخص کی شناخت غلام محمد وانی ساکنہ پونچھ گنڈ بیروہ کے طور پر ہوئی ہے اور جس گاڑی میں مذکورہ شخص مٹی کا تیل اسمگل کر تھا اس کا رجسٹریشن نمبر JK01J-7518 ہے۔

بعد ازاں مذکورہ شخص کو پولیس تھانہ بیروہ کے اندر حراست میں رکھا گیا اور ابتدائی تحقیقات سے پتہ چلا ہے کہ یہ شخص سبسڈائزڈ تیل کی بلیک مارکیٹنگ میں ملوث ہے۔

اس سے مزید تفتیش کی جارہی ہے تاکہ اس تیل کو بلیک مارکیٹنگ کرنے والوں کو بیچنے والے کا پتہ لگایا جا سکے۔

اس ضمن میں پولیس اسٹیشن بیروہ میں ایک ایف آئی آر زیرِ نمبر 234/2020 درج کیا گیا جو کہ بلیک مارکیٹنگ کے زمرے میں آتا ہے۔ اس معاملے کے حوالے سے مزید تحقیقات جاری ہے۔