'بی جے پی شدت پسند تنظیم ہے'

ریاست جموں وکشمیر میں کانگریس کے سینیئر رہنما وسابق وزیر غلام محمد سروری نے کہا کہ 'بی جے پی سب سے بڑی شدت پسند تنظیم ہے'۔

کانگریس کے سینیئر رہنما و سابق وزیر غلام محمد سروری نے ڈاکٹر جتیندر کے الزامات کو مسترد کرتے ہوئے کہا کہ 'اس ملک کے لیے نہرو نے قربانی دی اور بی جے پی نے ان کو مار ڈالا، یہ بی جے پی ہی ہے جس نے پی ڈی پی کے ساتھ الحاق کرکے لوگوں کو گمراہ کیا تھا'۔

بی جے پی کے مرکزی وزیر ڈاکٹر جتیندر سنگھ نے کانگریس پر الزام عائد کرتے ہوئے کہا تھا کہ 'کانگریس دہشت گردوں کی جماعت ہے'۔

انہوں نے مزید کہا کہ 'اب لوگ سمجھ گئے ہیں کہ الیکشن نزدیک آنے کے بعد بی جے پی کس طرح کے کھیل کھیل رہی ہے اور اہم مسائل سے ہٹ کر جھوٹے اور بے بنیاد چیزیں پھیلا کر ملک کے عوام کو گمراہ کر رہی ہے اور اصل حقائق کو چھپایا جارہا ہے۔

انہوں نے مزید کہا کہ 'بی جے پی نے لوگوں سے جھوٹے وعدے کیے تھے اور اب لوگ سمجھ گئے ہیں'۔