طلبا نے محکمہ تعلیم کے خلاف احتجاج کیا

سرینگر کی پریس کالونی میں کالج کے متعدد طلباء نے محکمہ تعلیم کے خلاف احتجاجی مظاہرہ کیا-

طلباء کا کہنا تھا کہ حال ہی میں منعقدہ بی بی اے کورس کے امتحانات میں انہیں جو پرچہ دیا گیا تھا وہ مکمل طور پر سیلبس سے باہر تھا- ان کا کہنا تھا کہ سوالات پڑھائے گئے اسباق سے نہیں پوچھے گئے تھے۔

انہوں نے کشمیر یونیورسٹی کے کنٹرولرز سے مطالبہ کیا کہ ان کا امتحان نئے سرے سے منعقد کیا جانا چاہیے ورنہ وہ اس پرچے میں فیل قرار دیے جائیں گے اور اس طرح سے ان کے گریجویشن کورس میں مزید تاخیر ہوجائے گی -

طالبات کا ماننا تھا کہ گریجویشن جو صرف تین سال میں مکمل ہونی چاہیے لیکن کشمیر میں پانچ سال لگتے ہیں اور اگر ان کا امتحان نئے سرے سے منعقد نہیں کیا گیا تو ان کا ایک اور سال اس میں ضائع ہوجائے گا-