اودھمپور: عالمی یوم کینسر کے موقعہ پر ریلی کا انعقاد

عالمی یوم کینسر کے موقعہ پر آج ضلع ہسپتال میں اے ایمٹی کے طلبا کی جانب سے ایک عظیم الشان ریلی نکالی گئی۔

اس ریلی کو ضلع ہسپتال کے سپرٹنڈنٹ ڈاکٹر وجے رانا نے ہرا جھنڈا دکھا کر روانہ کیا۔ ریلی پورے شہر کے مخلتف چوک چوراہوں سے گزرتے ہوئے اخیر میں ضلع ہسپتال پہنچ کر اختتام کو پہنچی۔

ریلی کے دوران طلبا کی جانب سے صحت مند رہنے کے نعرے لگائے جا رہے تھے اور ہاتھوں میں پلے کارڈ کے ذریعہ سے بھی لوگوں کو بیدار کیا جا رہا تھا۔ اس کے علاوہ ریلی میں موجود مرد و خواتین نے لوگوں کو مخلتف مقامات پر کینسر سے متعلق جانکاری دی اور ان سے محفوظ رہنے کے لیے احتیاط برتنے کی تحریک پیدا کی۔

اس سے قبل سابق ضلع ہسپتال کے میڈیکل سپرٹنڈنٹ ڈاکٹر وجے رینا نے بتایا کہ ہر سال 4 فروری کو عالمی یوم کینسر کے طور پر منایا جاتا ہے اور اسے منانے کی محض ایک وجہ ہے کہ لوگوں کو زیادہ سے زیادہ بیدار کیا جائے اور انہیں اپنے کھانے پینے پر توجہ دینے کی تلقین کی گئی۔

انہوں نے کہا کہ بیشتر افراد کینسر کا شکار اپنے کھانے پینے اور نشہ آور چیزوں سے استعمال کی وجہ سے ہوتے ہیں۔ مثلاً سگریٹ، گٹکھا وغیرہ۔

اس کے علاوہ جنگ فوڈ اور فاسٹ فوڈ بھی اس کی وجہ بنتی ہے۔

انہوں نے بتایا کہ کینسر سے پوری دنیا میں لاکھوں کی تعداد میں لوگ مرتے ہیں۔ انہیں بچانے کے لیے ہی بیداری ریلی کا انعقاد کیا گیا ہے تاکہ لوگ بیدار ہو سکیں۔