آری گام میں پینے کے پانی کی قلت سے عوام پریشان
ترال:مرکز کے زیر انتظام یوٹی جموں و کشمیر کے ضلع پلوامہ کے ترال کے آری گام میں پینے کے پانی کی قلت کے سبب مقامی باشندوں کو بڑی دشواریوں کا سامنا کرنا پڑ رہا ہے۔ مقامی باشندوں نے انتظامیہ کے خلاف احتجاج کرتے ہوئے پانی کے پینے کی مناسب سپلائی کا مطالبہ کیا ہے۔ وادی کشمیر میں درجہ حرارت میں اضافہ کے ساتھ ہی پینے کے پانی کی قلت کا مسلہ شدت اختیار کرتا جا رہا ہے۔اس حوالے سے اب لوگ سڑکوں پر نکل کر احتجاج کرتے نظر آ رہے ہیں۔ منگل کو جنوبی کشمیر کے ترال کے آری گام کے لوگو ں نے اس حوالے سے خاموش احتجاج کیا۔ مقامی لوگوں نے میڈیا کو بتایا کہ علاقے میں پچھلے پانچ دنوں سے پینے پانی کی قلت کی وجہ سے لوگوں کو سخت مشکلات کا سامنا کرنا پڑتا ہے۔