سرینگر میونسپل کارپوریشن نے جہاں کورونا وائرس عالمی وبا کو روکنے کے لیےکئی اقدام کیے جس میں مذکورہ کارپوریشن کو کافی حد تک کامیابی بھی حاصل ہوئی ہے۔
دن رات کارپوریشن سے وابستہ ملازم اور حکام روز اول سے ہی اس کام میں جڑے ہیں جبکہ عوامی حلقوں میں کارپوریشن کی کام کو سراہا بھی جاتا ہے۔
اس سلسلے میں کارپوریشن نے نئی ٹیکنالوجی سے لیس تین جراثیم کش موباِئل کو متعارف کیا جو 300 فٹ تک جراثیم کش دوا لگانے میں مدد دے سکتی ہے جبکہ اس جراثم کش موبائل سے آج شہر کے کئی علاقوں کو جراثیم کش دوا سے چھڑکاؤ کیا گیا۔
اسی دوران میونسپل کارپوریشن کے کمشنر غزنفرعلی نے ای ٹی وی بھارت سے بات کرتے ہوئے کہا کہ اس جراثیم کش موبائل سے ادارے کو کافی مدد ملے گی۔