جموں میں سی اے اے کے خلاف احتجاج

فورم فار پیس اینڈ ٹیرٹوریل انٹیگرٹی نے کہا کہ 'اس وقت ملک میں بے روزگاری کے ساتھ ساتھ دیگر اہم معاملات ہیں لیکن حکومت ان مسائل کو سنجیدگی سے لینے کے بجائے فرقہ وارانہ تشدد بھڑکانے میں مشغول ہے'۔

جموں میں بدھ کے روز 'فورم فار پیس اینڈ ٹیرٹوریل انٹیگرٹی' (فورم برائے امن اور علاقائی سالمیت) نے مرکزی حکومت کی پالیسیوں کے خلاف ایک دھرنا دیا جس میں مختلف برادریوں کے دانشوروں نے حصہ لیا۔

دھرنے پر بیٹھے لوگوں کا کہنا تھا کہ 'مرکزی حکومت نے ملک میں شہریت ترمیمی قانون (سی اے اے) جیسا قانون نافذ کر کے فرقہ واریت کو فروغ دیا ہے'۔ انہوں نے کہا 'مرکزی حکومت نے اپنے فیصلے کی وجہ سے ملک میں ہندو مسلم اخوت کا خاتمہ کیا ہے'۔

انہوں نے کہا کہ اس وقت ملک میں بے روزگاری کے ساتھ ساتھ دیگر اہم معاملات ہیں لیکن حکومت ان مسائل کو سنجیدگی سے نہیں لے رہی ہے۔

انہوں نے کہا حکومت کو بے روزگاری، سماجی انتشار کو سنجیدگی سے لینا چاہیے تاکہ مُلک میں امن و امان قائم ہوسکیں۔