انشل گارگ نے ڈی سی اننت ناگ کا عہدہ سنبھال لیا

انشل گارگ نے آج ڈپٹی کمشنر اننت ناگ کے عہدے کا چارج سنبھال لیا۔ انہوں نے کے کے سدھا سے یہ عہدہ حاصل کیا جبکہ ان کا ایڈیشنل سکریٹری ریونیو کی حیثیت سے تبادلہ کیا گیا۔

آئی اے ایس افسر انشل گارگ نے آج اننت ناگ کے ضلع ترقیاتی کمشنر کے عہدہ کا جائزہ حاصل کرلیا۔ ڈی سی آفس اننت ناگ میں انکا والہانہ استقبال کیا گیا۔ اس موقع پر انشل گارگ نے دیگر ملازمین کے ساتھ بات چیت کی۔

عہدہ کا چارج حاصل کرنے کے بعد انشل گارگ نے کہا کہ ضلع میں تعمیر و ترقی کی راہ ہموار کرنا ان کی اولین ترجیحات میں شامل ہے۔

واضح رہے کہ ضلع کے سابق ڈی سی کلدیپ کرشن سدھا نے محکمہ مال کے ایڈیشنل سیکرٹری کے طور پر چارج سنبھال لیا ہے۔ اس موقع پر ضلعی انتظامیہ کے مختلف سینئر افسران نے ڈپٹی کمشنر کا خیرمقدم کیا اور ضلع کی جامع ترقی کے لیے اپنے مکمل تعاون کا یقین دلایا۔ انتظامیہ کے اعلی حکام نے ڈی سی کے روبرو ضلع کا مجموعی پروفائل پیش کیا۔ انہوں نے افسران پر عوامی مسائل کو حل کرنے کےلیے زور دیا۔