کٹھوعہ: ایک جُٹ تنظیم کے دفتر کا افتتاح

کٹھوعہ میں آج ایک جُٹ تنظیم کے دفتر کا افتتاح ہوا۔ اس دوران ایک چٹ تنظیم کے چیئرمین انکُر شرما نے پوجا ارچنا کرکے دفتر کا افتتاح کیا ۔

افتتاحی تقریب کے موقع پر انکُر شرما نے پریس کانفرنس کا بھی انعقاد کیا۔ انہوں نے صحافیوں سے گفتگو کرتے ہوئے کہا کہ 'گذشتہ روز لیفٹیننٹ گورنر نے اس بات کی منظوری دی کہ ہلاک شدہ عسکریت پسندوں کے اہل خانہ کو وظائف دیے جائیں گے، اس کی وہ شدید مخالفت کرتے ہیں'۔

انہوں نے کہا کہ یہ پالیسی کانگریس لائی تھی جسے بی جے پی نے اڈاپٹ کر لیا اور اسے گذشتہ چھ سال سے نافذ کرنے کی کوشش کر رہی تھی لیکن آج ایل جی نے اس پالیسی کو لاگو کرکے جموں کے عوام پر ایک اور جنگ مسلط کرنے کی کوشش کی ہے۔ جس کی جتنی مذمت کی جائے وہ کم ہے۔