آنگن واڑی ورکرس کا احتجاج

جموں کشمیر کے گرمائی دارالحکومت سرینگر میں آنگن واڑی ورکرز اور ہیلپرز نے تنخواہ کی واگزار نہ کرنے کے خلاف احتجاج کیا۔

تفصیلات کے مطابق آنگن واڑی ورکروں نے اپنے مطالبات کو لے کر سرینگر کی پریس کالونی کے باہر احتجاج کیا اور انتظامیہ سے اپیل کی کہ ان کے جائز مطالبات کو فوری طور پورے کیے جائیں۔

احتجاج کے دوران آنگن واڑی ورکرس اور ہیلپر یونین خواتین کے ہاتھوں میں پلے کارڈس لیے ہوئے تھے جن پر 'ہمارے ساتھ انصاف کرو'کے نعرے درج تھے۔

انہوں نے بتایا کہ جموں و کشمیر انتظامیہ نے آنگن واڑی ورکرز اور ہیلپرز کو رنجیدہ کیا ہے۔

اس دوران ہیلپرس یونین نے موجودہ لفٹیننٹ گورنر انتظامیہ سے اپیل کی ہے کہ ہماری دیرینہ مانگوں کو جلد از جلد پورا کیا جائے۔